Målet med prosjektet er å betre trafikktryggleiken og framkoma på strekninga. Prosjektet planlegg for å utbetre krysset til Lærdal sjukehus og utvide eksisterande veg sørover til nedre Eri for å etablere forsterka midtoppmerking på strekninga. Forsterka midtoppmerking har synt seg å vere eit effektivt og rimeleg tiltak mot møteulykker.

Med dette varslar vi oppstart av planarbeid i samsvar med Plan- og bygningslova § 12-8. Planen vert utarbeidd etter §§ 12-3 og 3-7.

Planområdet

Planområdet startar i utkanten av Lærdal sentrum og strekker seg vidare sørover riksveg 5 til nedre Eri der prosjektet overlappar tidlegare breiddeutvidingsprosjekt rv 5 nedre Eri - Håbakken. Planområdet er om lag 195 daa stort og omfattar eksisterande veg, jordbruksareal og elvekant langs Lærdalselva. Eksisterande vegbreidd varierer innanfor planområdet og er om lag 6,5 meter.

Lenke til kartskisse planområde og eksisterande eigedomsgrense:

Plangrense oppstart 1_7000.pdf

Skildring av prosjektet

Prosjektet skal planlegge for etablering av venstresvingefelt for avkøyringa til Sjukehusvegen samt utbetring av kollektivhaldeplassane i området. Prosjektet planlegg for etablering av forsterka midtoppmerking og ei ny vegbreidd på 8,5 meter. Tiltaket vil difor medføre naudsynt langsgåande utviding av eksisterande veg med om lag 2 meter mot vest (fjellsida) over om lag 2 km, i tillegg kjem rekkverksrom og grøfter. Avkøyringstilhøva i området vil også bli vurderte.

Det er vurdert til at reguleringsplanarbeidet ikkje utløyser krav om konsekvensutgreiing i høve «Forskrift om konsekvensutredninger».

Vurdering av KU-plikt Rv 5. kryss Sjukehusvegen - nedre Eri.pdf

Innspel

Statens vegvesen ber om at det sendes synspunkt, innspel eller relevante opplysningar til dem skriftleg innan 13.09.2024. Desse sendast skriftleg til dem anten på e-post til [email protected] eller som vanleg post til Statens vegvesen, Pb. 1010 Nordre Ål, 2605 LILLEHAMMER

Alle innspel, både e-postar og brev, må merkast med «23/225305»