Løyvinga kjem i samband med framlegginga av revidert nasjonalbudsjett for 2022. Vegen skal gå frå E18 til Eydehavn. Lokale styresmakter meiner vegen er ein føresetnad for å få etablert ein ny batterifabrikk på Eydehavn.

– I Hurdalsplattforma er vi tydelege på at vi skal legge til rette for storskala battericelleproduksjon i Noreg. Med denne løyvinga bidreg vi til oppstarten av denne fabrikken, seier Nygård.