– Nye Kolbotn stasjon skal bli universelt utforma, slik at enda fleire reisande kan velje grøne togreiser frå desember 2026. Samtidig vil nye lokaltog ha plass til fleire passasjerar og forårsake langt færre forseinkingar og innstillingar enn det gamle togmateriellet som trafikkerer strekninga Oslo-Ski i dag. Med denne tilrettelegginga blir det meir attraktivt å ta tog på strekninga, seier samferdselsminister Jon-Ivar Nygård.

Auka kostnader – og eit best mogleg togtilbod i anleggsperioden

Ombygginga av Kolbotn stasjon har vore planlagt lenge. Kostnadane har auka på grunn av behov for midlertidig signalanlegg før det nye signal- og sikringssystemet ERTMS blir tatt i bruk, og eit større omfang av midlertidige konstruksjonar nær stasjonen for å oppretthalde eit best mogleg togtilbod i byggeperioden.

Som følgje av at prosjektkostnaden har auka til over 1 milliard kroner, må Stortinget godkjenne kostnadsramma før bygginga kan starte.