R610 Standard for drift og vedlikehald av riksvegar beskriv mellom anna Statens vegvesens krav til både tilstand og funksjon for om lag 460 vegobjekt.

Endringar innan vinterdrift

Når det gjeld vinterdrift er det gjort fleire justeringar, mellom anna i tilrådingane om kva driftsklassar, altså standard, som bør nyttast på kva vegar – basert på trafikkmengd.

I vinterdriftsklassane C, D og E (anbefalt for vegar med årsdøgntrafikk opp til 5000) er kravet om brøyting av vegskulder, parkeringsfelt og sperrefelt under snøvêr redusert frå ein syklus på maksimalt tre timar til fem (klasse C) eller seks timar (klasse D og E).

I tillegg blir det no stilt krav om samordning av brøyting av veg og gang- og sykkelvegar der desse ligg nært kvarandre, og Statens vegvesen er vegeigar.

Lokal tilpassing av tiltak er også lagd inn som ei opning i fleire krav.

Ny struktur og terminologi

Vidare er det gjort ein del justeringar i struktur og terminologi. Krav til inspeksjon er til dømes beskriven for kvart enkelt vegobjekt, både type inspeksjon og kor ofte han skal gjennomførast.

Krav i kontraktane frå 2026

Krava i revidert versjon av standarden vert innarbeid i malane for alle drifts- og vedlikehaldskontraktane. Dei nye krava trer først i kraft for vegdrifts- og elektrodriftskontrakter som har oppstart i 2026. Unntaket er vegoppmerkingskontraktar, som allereie er oppdaterte med nye krav som inngår i revidert R610.

Lenke: R610:2024 Standard for drift og vedlikehold av riksveger